TANGAZO KWA WATARAJALI WA INGIZO LA NOVEMBA, 2026

YAH: UCHAGUZI WA VITUO VYA MAFUNZO YA UTARAJALI KWA INGIZO LA NOVEMBA, 2026

Baraza la Madaktari Tanganyika linapenda kuwataarifu Watarajali wote wa ingizo la Novemba, 2026 kuwa, kufuatia changamoto za kimfumo zilizojitokeza katika Mfumo wa Usajili wa Wataalamu wa Afya (HPRS) wakati wa zoezi la uchaguzi wa vituo vya mafunzo ya utarajali lililoanza tarehe 04 Novemba, 2026, baadhi ya vituo vilipokea maombi ya Watarajali zaidi ya uwezo wake, huku baadhi ya Watarajali wakishindwa kukamilisha uchaguzi wa vituo.

Baraza linaomba radhi kwa changamoto zilizojitokeza

Kulingana na rekodi ya kanzidata kutoka kwenye mfumo wa HPRS, inaonesha muda ambao mtarajali alioingia kufanya maombi na kituo alichoomba. Taarifa hiyo ndiyo iliyotumika kuamua idadi ya watakaobaki kituoni kulingana na uwezo wa kituo husika. Aidha, katika kila kituo, watarajali waliozidi wameoneshwa kwa rangi nyekundu (Rejea Orodha ya walioomba kwa kila kituo). Vile vile kuona orodha ya Vituo vilivyojaa na vyenye nafasi bonyeza hapa.

Yafuatayo ni maelekezo kwa kila kundi:

1. Watarajali ambao wako ndani ya idadi ya uwezo wa vituo: wataendelea kubaki kwenye vituo vyao, wakisubiri kupokea barua zao kwenye mfumo
2. Watarajali waliozidi uwezo wa vituo: wanatakiwa kufanya uchaguzi upya wa kituo kutoka miongoni mwa vituo vyenye nafasi kwenye mfumo wa HPRS. Kujua jinsi ya kuchagua upya kituo bonyeza hapa.
3. Watarajali ambao hawakufanikiwa kuchagua vituo: wanatakiwa kuingia kwenye mfumo wa HPRS na kufanya uchaguzi wa vituo ambavyo vina nafasi. Kujua jinsi ya kufanya uchaguzi wa vituo bonyeza hapa.

Utaratibu wa uchaguzi wa vituo

• Watarajali waliokamilisha maombi na kufanya malipo watatakiwa kuchagua kituo tu.
• Wale ambao hawakufanya maombi, wanatakiwa kufuata utaratibu mzima wa kuomba, kulipia na kuchagua kituo.

Baraza linawasisitiza Watarajali wote wanaohusika na zoezi hili kufuatilia taarifa kupitia mfumo wa HPRS na kuhakikisha wanakamilisha uchaguzi wa vituo kwa kuzingatia maelekezo yaliyotolewa.

Aidha, Baraza linaendelea kuchukua hatua za kuhakikisha zoezi la uchaguzi na upangaji wa Watarajali katika vituo vya mafunzo linafanyika kwa uwazi, usawa na kwa kuzingatia uwezo wa kila kituo.

Kurejea orodha ya walioomba kwa kila kituo na muda wao bonyeza hapa, vituo vilivyojaa na vituo vyenye nafasi bonyeza hapa.

Dirisha litafunguliwa tarehe 11 Novemba, 2026 saa tano asubuhi.

Kwa maelezo zaidi tafadhali wasiliana na dawati la huduma kwa wateja kupitia namba 0699995800.

Imetolewa na:

MSAJILI
BARAZA LA MADAKTARI TANGANYIKA
10 NOVEMBA, 2026